| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

Ia 1-1

Page history last edited by Paolo E. Castellina 4 years, 5 months ago

> Lezione 1-2

Risultati immagini per bible rays

 

Un dono del celo - Le necessitate del Biblia - Un serie de 25 lectiones super le inseniamento del fide christian que se basa completemente sur le Biblia intendite pro comenciantes  pro adjutar les in apprender del plus grande dono que nos recipeva de Deo

 

1:1  Le necessitate del Biblia

 

Como vos va tosto discoperir, iste curso se concentra multo super le Biblia, e jam iste facto suscita in vostre mente multe questiones. Nonne? Quare es il necessari cognoscer lo que dice le Biblia? Quare developpar un integre curso de studio super un tal vetule libro? Quare non tractar, plus tosto, de qualcosa de plus actual? Pro responder a iste questiones, vamos examinar alicun questiones basic.

 

Questiones basic

 

In le curso del seculos, le humanitate solveva plure mysterios del vita. Tamen, le questiones prime e le plus importante remane sin responsa. Qual es le significato del vita? Qual es le futuro del mundo? Le humanitate supervivera?  Existe Deo? Que eveni depost nostre morte? Istos es le questiones que importa de plus. Illos es basic. Vos poterea certemente supprimer los como tantes jam face, ma vos sape ben que supprimer los es inutile. Tosto o tarde illos va retornar al superficie. In ultra, vos non es le soles a luctar contra illos. Durante multissime tempore le humanitate essayava responder a iste questiones e multe de illos se provideva. Le problema es, vos lo sape ben, que le responsas esseva sempre differente. Il es le mesmo hodie. Philosophos, politicos, scientistas, biologos, da lor responsas personal; tamen, assi sovente lor responsas contradice le un le alteres. Lo que uno proclama como le sapientia ultime, le sequente lo appella insipientia e nescietate. In breve: le incertitude regna. Vos ha le sentimento de viver in un mundo plen de punctos interrogative.

 

Le Bibia e iste punctos interrogative

 

Sub le lumine de tote isto il es bon de haber le Biblia, proque le Biblia da responsas. Vos poterea peter me: “Como es illo possibile? Como es il que le Biblia supple responsas? Como pote illo esser?”. Il es proque il esseva DEO a dar le Biblia al homines. Ille vos lo dona. In illo ille dice vos in re ille ipse, e in re omne sorta de cosa que vos non haberea unquam potite discoperir per vos ipse. Deo se face cognoscer in le Biblia. In illo ille revela se ipse al homine. Isto es le ration quia le Biblia es appellate “le revelation de Deo” o “le disvelation de Deo”. Isto significa que vos pote haber le fiducia in le responsas que le Biblia da, durante que il es Deo que da iste responsas. Il es isto que rende le Biblia importante pro VOSTRE vita. In leger lo e studiar lo de plus in plus, vostre sentimentos de insecuritate va disparer de plus in plus. Durante que vos lo face, vos va discoperir que le Biblia es anque un libro plen de sorprisas. Il ha cosas revelate in illo que vos nunquam haberea potite imaginar. Vamos vider alicun exemplos.

 

Deo creava le mundo

 

In le prime pagina ipse del Biblia, le prime verso, Deo dice vos que Ille creava le mundo (Genesi 1,2). Ille es le originator, le fonte de omne vita, in tote su formas. 

 

Le mesmo dice le libro del Psalmos (Psalmos 104), ubi nos trova, in forma poetic, le description del obra del creation. Anque le prophetas parla del majestate de Deo como nos lo vide in le creation (Isaia 40:12-31).

 

Si, e quia le Biblia dice vos tote iste cosa, vos pote pervenir al cognoscentia de isto e esser de isto secur. Quando se tracta del creation, le gente de iste mundo se occupa como un dilettante de varie theorias, ma le Biblia tracta de certitudes: “Per fide nos comprende que le mundos esseva establite in lor ordine per le Parola de Deo, assi que le visibile habeva su origine in le invisibile” (Hebreos 11:3).

 

Le mundo deveniva mal a causa del peccato

 

Omnes es preste a admitter que le mundo es longe de esser perfecte. Il ha violentia, guerra, odio, egoismo, maladias, fame, paupertate etc. Como es il possibile? De ubi veniva tote isto?

 

Le Biblia monstra le radice de iste miseria. Illo appella le mal con su nomine proprie, illo es PECCATO. Quando Deo creava le mundo, ille lo faceva bon. Le homines, tamen, guastava e vitiava un mundo perfecte con lor peccatos. Que es le peccato? Pois que Deo es vostre Creator, ille ha le derecto - e lo exercita - de requirer que vos vive como ille vole que vos vive.

 

Le peccato, alora, es toto lo que le homines pensa, face e dice que es contrari, in conflicto, in disobedientia con le voluntate de Deo. Illo significa que le homines non face lo que Deo vole que illes face. Le peccato es nihil altere que rebellion e revolution. Illo es un revolution contra Deo, le Senior e le Creator. Le Bibia dice que: “Le insensate dice a se ipse, ‘il ha necun Deo’. Illes pecca e committe actos abominabile, necuno de illes face lo que es juste” (Psalmo 14:1). Il es justo illo le natura del peccato. Illo es impietate, le pretention de viver sin Deo e in contradiction a su leges. Il es le desiro de viver sin Deo, de esser le patrones de nostre vita. Le resultato de tote isto es sub le oculos de omnes.

 

Tote isto es un facto que nos pote vider cata die, e mesmo intra vos mesme. Necuno es melior del alteres. Vostre ancestres esseva peccator, le mesmo es vos, e le mesmo essera pro vostre descendentes. Como es illo possibile? Esque un infante in su cuna es un imagine de innocentia? Illo poterea esser un imagine, ma le realitate es multo differente. Mesmo le infantes non necessita apprender a facer le mal, proque, quando illes lo face, le mal sorti de illes naturalmente., Anque a iste puncto homines ha lor theorias, ma solmente le Biblia da un responsa clar a iste problema. Isto es “difficile a ingurgitar”, ma le realitate es que omne creatura human nasce moralmente corrupte, illo es, un peccator. Isto es un sorta de “hereditage” genetic. Nemo es exempte de iste situation. Mesmo le bon que nos poterea facer es contaminate, guastate per le peccato. Un del scriptos del Psalmos diceva: “Quia io esseva generate in le iniquitate, e in le peccato me concipeva mi matre” (Psalmos 51:5). Assi, tote le esseres human es culpabile, illes del passato, illes del presente, e ille del futuro. Vos es parte de un integre “familia” que possede un grande culpa. Como face nos a saper isto? Nos lo sape proque il es le Biblia que dice isto a nos.

 

Deo salva vos ex vostre peccato

 

Usque nunc nos ha mentionate un exemplo de lo que vos non poterea discoperir de vos mesme. Ecce un altere exemplo.

 

Per tote le Bibia on pote trovar le message de Deo in re vostre peccatos, ma, al mesme tempore vos pote leger alsi del maniera que Deo, in su gratia, pote e vole salvar vos de vostre peccatos. “Quia isto es le maniera per le qual Deo amava le mundo: ille dava su Filio unigenite, ut omnes qui crede in ille non va perir, ma ha vita eterne” (Johannes 3:16). In altere parolas, a vos Deo da le Salvator JESUS CHRISTO. Le Biblia es completemente in re Ille. Illo accentua que il es per le medio de Jesus Christo que vos pote esser salvate da vostre peccatos e da lor consequentias. Solmente ille lo pote facer: “Il ha salvation in necun altere, quia il non ha altere nomines sub le celo que sia date al homines, in le qual il es necesse esser salvate” (Actos 4:12).

 

In qual maniera le creatura human potera esser restabilite in le condition optimal in le qual illo esseva create? Esque illo essera per le medio de developpamentos genetic? Per le application de principios humanitari, per un education scholastic o per un revolution politic? Tote iste si-dicite solutiones conduce in nulle placia. Le Biblia ha le sol solution. Le salvation ultime del homine reside solmente in le application efficace del obra de Jesus Christo al vita de illes que se confide in ille.

 

Un ultime exemplo:

 

Le historia es conducite per Deo

 

Le historia del mundo coperi multe seculos. Si nos lo reguarda, illo pare un olla podrida de nationes, populos, evenimentos e factos. Illo presenta un succession quasi sin fin de tempores bon e tempores mal. Illo pare un enoiose repetition de vita e morte, de nascentias e de decadimentos. Tamen, quando vos cognosce semper de plus le Biblia, vos va apprender a vider como il es Deo a conducer in ante le historia secundo su projectos. Retro omne cosa il ha le governo e le guida de Dio. Toto ha un placia in su planos. Homines pote facer planos bon o mal. Illes pote excogitar omne sorta de mal, ma Deo emplea toto pro realisar su planos pro le mundo e pro illes que lo habita.

 

Le Biblia dice que per tote le historia Deo se interessa del redemption e del salvation del mundo. Le Biblia dice que iste terra polluite disparera, proque Deo promitte un nove mundo. Tote lo que e veni in iste mundo, in vostre vita personal, ma alsi in le developpamento politic international, es parte integrante del planos de Deo. Su mano es in toto. 

 

Tote isto da securitate

 

Iste exemplos monstra solmente alicun pauc questiones importante del quales le Bibia tracta. Vos haberea essite ignorante de tote isto si Deo non vos lo revelava. Vos non sape lo que se trova retro a tote lo que eveni. Le senso e le proposito del historia sovente escappa a vos e tosto vos perveni al limites de vostre comprension. Hinc vos es inricchite del facto que Deo decideva de facer vos cognoscer lo que alteremente vos nunquam haberea potite cognoscer. In le Biblia Deo da a vos le responsas a questiones como: Qui es Ille? Que face Ille pro me? Qui es io? Verso ubi io procede?

 

Prime lection - secunde parte

Comments (0)

You don't have permission to comment on this page.