| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

Ia 1-2

Page history last edited by Paolo E. Castellina 4 years, 7 months ago

Lection 1-1 < > Lection 1-3

 


Un dono del celo - Le necessitate del Biblia - Un serie de 25 lectiones super le inseniamento del fide christian que se basa completemente sur le Biblia intendite pro comenciantes  pro adjutar les in apprender del plus grande dono que nos recipeva de Deo


Risultati immagini per creation

1-2 Le Creation

 

Il non surprende que le question super le origine de iste mundo intricava le homine per tote le historia como un enigma. Nos testifica de isto omne die. Nos non pote evitar le question: “De ubi proveniva nos?”. Il non surprende mesmo que multe differente responsas esseva date a iste question. Il ha, per exemplo, antique mythos o contos super le origine del homine e del animales, del aqua e del terra. Iste contos esseva fortemente influentiate de circumstantias local. Aliquando un alte montania joca un rolo in isto, altere vices le mar es un elemento central del conto. Tote iste contos esseva inventate per le homine e esseva transmittite de un generation al sequente. In le curso del tempore, altere elementos esseva addite. Nonobstante, durante que le comprension del natura e del phenomenos natural cresceva, le mythos e le sagas comenciava jocar semper minus un rolo in le pensamento human. Totevia, le question original remane relevante: “Unde proveniva nos?”.

 

Hodie il ha un responsa multo popular a iste question. Multes lo crede como si illo esserea un certitude indiscutibile. Il es le theoria del evolution. Iste theoria es fundate super le assumption que organismos plus alte e developpate proveniva da organismos plus basse e minus developpate. Secundo iste theoria, le vita se evolveva de materia morte e, depost un longe periodo de tempore, forsan billiones de annos, e de post multe mutationes, le homine appareva. On dice que in tote iste processo il esseva le hasardo a haber le rolo le plus grande. Isto es le idea central circa le qual surgeva tote le theorias evolutionista

 

Assumptiones

 

Si on studia la theoria del evolution diligentemente, on discoperi tosto como illo se funda sur le base de multe assumptiones que nunquam esseva demonstrate. Vamos considerar duo de illos: cosas non vivente dava loco a material vivente; e un specie dava loco a un differente (p. ex. protozoos a metazoos). Nos appella isto “assumptiones” proque illos nunquam esseva probate o duplicate in un qualcunque laboratorio, ma se formava in le mente human per le medio de deductiones. Le evolutionista ancora deve trovar le anellos mancante pro justificar lor theoria.

 

Certitudes

 

Il ha plure mythos, e il ha tante altere theorias scientific, ma esque isto significa que il non ha certitudes, e que nemo pote saper como le vita se generava? Certemente no! Il ha un fonte de cognoscentia que multes hodie ignora. Illo es le Biblia. Jam in le prime paginas nos recipe le resposta al question del origines: “In le principio Deo creava le celo e la terra” (Genesis 1:1). Deo non creava un sorta de materia primitive ex le qual toto se evolveva lentemente. Ille dava a cata un creatura su essentia, su forma, su apparentia e modo de vita. Deo creava alsi le prime esseres human. Ille faceva Adam e Eva e les collocava in le jardin de Eden. Il esseva ibi que illes debeva viver e laborar. Si vos vole plus detalios in re lo que le Biblia dice super le creation, vos debe leger Genesis 1 e 2. Inter altere cosas, illo describe le prime sex dies del creation.

 

Die Uno: Deo creava le lumine. Ille appellava le lumine “Die” e le obscuritate “Nocte”.

 

Secunde Die: Deo separava le aquas. Ille appellava le firmamento “Celo”.

 

Tertie Die: le oceanos veniva insimul e le terreno sic appareva. Ille appellava le terreno sic: “Terra”, e le aquas “Mar”. In le mesme die ille creava le plantas e le arbores.

 

Quarte Die: Deo creava le sol, le luna e le stellas. Le luminares existe pro separar le die del nocte e pro signalisar le saisones, le dies e le annos,

 

Quinte Die. Deo creava le animales del mar e le aves.

 

Sexte Die. Deo creava le animales del terra. In iste ultime die, Deo creava alsi le homine. Ille le creava a imagine e similantia de Deo. Le homine debeva dominar tote lo que Deo habeva facite. De post iste description del creation, le Biblia dice in Genesi 1:31: “1Deo videva que tote lo que ille faceva es multo bon”.

 

In le Biblia vos non trova un description detaliate del creation. Lo que se trova ibi, tamen, suffice pro cognoscer Deo como le Creator de omne cosa.

 

Que pote nos saper?

 

Si vos sape e crede que Deo es le Creator de omne cosa, vos comenciara vider omne cosa sub un nove prospectiva. In omne parte del creation vos videra Deo ipse. Quando vos ambula per le natura, vos videra e facera experientia del potentia e le sapientia de Deo. Anque le scriptor del Psalmo 19:1 faceva isto: “Le celos declara le gloria de Deo, e le firmamento monstra le obra de su manos”. In le Psalmo 147:16-17 nos lege: “Ile manda le nive que es blanc como le lana, ille expande le pruina que es blanc como cineres. Ille projice su petras de grandine como micas. Qui pote resister al vento frigide que ille manda?”.

 

In ultra a dicer nos que Deo es le Creator del mundo, le Biblia dice nos que ille lo governa e lo sustene constantemente. Mesmo in nostre tempores quando tanto nos pote facer, nulle creatura pote viver autonomemente. Il es le Creator que da le vita e lo governa. Quia Deo es le Creator, nos deberea tractar lo ben. Nos lo deberea facer non solmente proque nos respecta le vita ipse, ma proque nos respecta le Factor e le Dator del vita. Nos curre de facto le risco de vider le vita e le natura como poteres completemente libere e a nostre disposition. Tamen, le Biblia preveni nos quando illo dice: “E nunc, Senior, tu es nostre patre, nos es le argilla e tu es nostre ollero, nos omnes es le productos de tu manos” (Isaia 64:8). Le idea que le vita es independente de Deo es le resultato del pensamento evolutionista. Le Biblia, del altere latere, doce nos, in prime loco, de respectar Deo, e, per consequente, de respectar alsi le natura e le vita.

 

Le collocation del homine

 

Le Biblia dice: “Assi Deo creava le homine a Su imagine, a imagine de Deo Ille les creava, masculo e femina ille les creava” (Genesis 1:27). Le homine es le complimento de coronation del obra creative de Deo. Le terminos “imagine” e “similantia” nos lo monstra e indica nos un certe direction. Illos non significa que le homine es physicamente simile a Deo o que nos ha in nos ipse un pauco de divinitate. No, quando le homine es appellate “le imagine de Deo” illo significa que Deo talmente creava le homine e con tal qualitates que ille es habile complir su appunctamento como le representante vivente de Deo sur le terra. In le maniera prescribite de Deo e in le nomine de Deo, le homine debe governar justemente super le creation. In Genesis 1:28, illo dice: “Deo les benediceva e diceva les: "Cresce e multiplica vos, replena le terra e subjecta lo; domina super le pisces del mar, le aves del celo e super tote le creaturas vivente que se move super le terra". Illo es le deber del homine,

 

Pro resumer: Deo faceva toto e totes, e ille los faceva bon. Toto sortiva exactemente como ille intendeva. Toto in le creation le laudava e le serviva. Adamo e Eva poteva laborar pl nmente, liberemente e gaudiosemente. Nihil les imcombrava. Lor vita esseva un festa continue in honor de lor Deo e Factor, que creava omne cosa pro Su gloria.

 

 

Comments (0)

You don't have permission to comment on this page.