Lection 1-2 < > Lection 2-1

Un dono del celo - Le necessitate del Biblia - Un serie de 25 lectiones super le inseniamento del fide christian que se basa completemente sur le Biblia intendite pro comenciantes  pro adjutar les in apprender del plus grande dono que nos recipeva de Deo

1-3 Le precaria: esque illo servi?

Precar significa peter o supplicar. Tu pete alicun cosa a alicuno. Le precaria es peter a DEO de reciper alique. Naturalmente se suppone que tu crede que Deo existe e que Ille realmente e vermente te audi e pote facer lo que tu le pete.

Que es vermente le precaria?

Multe personas dice que le precaria es un nonsenso, un inetia, o que illo es solmente un monologo que poterea mesmo beneficar nos, ma que nemo se trova del altere latere del filo… Dicer assi non surprende, si tu crede que Deo ha nulle existentia objective. Le precaria es alsi un nonsenso si tu crede que il ha un esser que on appella Deo, ma tu refusa creder que ille se interessa del homine. De facto, creder in Deo e creder que ille pote audir TE non es cosas que veni automaticamente. Sovente altere questiones veni in nostre mentes. Como pote Deo comprender si multe precarias in si multe linguas differente? Como possibilemente poterea Ille tener los separate con lor contentos, problemas e questiones? Si vos crede que Deo pote audir tote iste differente precarias in le mesme tempore, vos debera alsi creder in un Deo que es omnipotente (que pote facer toto lo que ille vole), e in un Deo que es omnisciente. 

In ultra a peter e a supplicar, le precaria es un recognoscentia que tu necessita adjuta, un adjuta que ni tu ni nulle altere poterea dar te. Per medio del precaria tu assere que tu non pote restar sol, que tu non pote star sur tu pedes solmente, que tu non pote curar te de tu interesses. Illo significa admitter que tu non pote maestrar plus tu vita proque tu non es su patron. Precar significa recognoscer tu condition de dependentia. Naturalmente multes non es preste admitter isto, con le resultato que illes non preca plus. Pois, il ha alteres que non crede que Deo pote audir, pote adjutar, o vole adjutar. Illes alsi non preca.

Pote Deo adjutar?

Vamos imaginar un homine che suffre de grande penas e difficultates. Esque le precaria adjutar le? Pro trovar un responsa a isto nos deberea recurrer al Biblia, proque illo ha multo a dicer super le precaria. Illo parla de supplicantes cuje precarias esseva audite e que recipeva lo que illes peteva. Illo parla alsi in re personas cuje precarias non esseva audite e que, como resultato, non recipeva lo que illes habeva petite. Deberea nos deducer de isto que aliquando le precaria functiona e aliquando no? Vamos leger lo que Jesus diceva in re le precaria. Un vice ille faceva iste remarcabile affirmationes: “E io dice a vos: ‘Pete, e a vos essera date; quere e vos trovara; colpa e a vos essera aperite’” (Luca 11:9).

Omnes qui preca recipe. Lo que nos pete nos recipe. Ora, isto pare contradicer le factos. Le major parte del tempore le precaria non pare attinger multo o nihil. Tu es malade e tu pete esser resanate. Esque illo eveni semper? Tu preca de trovar un empleo: esque tu recipe un labor le die sequente? Si tu non recipeva un responsa a tu precaria, esque Deo te audiva? Si tu trobava un empleo, esque illo esseva le resultato de tu precaria? Esque le precaria adjuta? Il pare que iste question non se presta a un resposta simple e prompte. Vamos ergo investigar melio pro trobar lo que le Biblia dice concernente le precaria.

Nulle dubitas

Un fratre de Jesus nominate Jacobo, qui esseva un capite del ecclesia christian a Jerusalem, dice que nos debe precar con fide sin dubitar (Jacobo 1:5-8). Que deberea nos non dubitar? In prime loco nos non deberea dubitar le existentia de Deo. Dice le Scriptura: “Sin fide es impossibile placer le, quia il qui se approcha a Deo debe creder que ille es e que ille es le remunerator de qui le inquire” (Hebreos 11:6).

In secunde loco, tu non deberea dubitar que ille te audi. Deo audi semper, mesmo quando tu considera te ipse del toto mal. A iste proposito tu deberea leger lo que dice Isaia. Iste propheta parlava al Israelitas que se plangeva que Deo non les audiva. Illes diceva: “Quare dice tu, Jacob, e quare dice tu, Israel, ‘Le Senior ignora lo que me eveni e mi Deo face abstraction de mi derecto”? (Isaia 40:27). Isaia les dice que le potentia e le adjuta de Deo es date a qui le expecta con fide, a illes qui intertene con ille un relation de fiducia e de obedientia.

Perseverantia

Le Biblia dice anque que nos non deberea unquam desister de pregar troppo tosto. Nos debe precar e inquirer Deo continuemente, proque illo le monstra que lo que nos le pete sta vermente in nostre corde. Jesus compara pregar con le perquirer e con le colpar a un porta (Mattheo 7:1-12). Ille significa un perquirer constante e un batter persistente. Tu debe perquirer usque tu troba e batter usque le porta es aperite. In connection a isto Jesus conta un historia o parabola, e lo conclude dicente: “Esque Deo non va render justitia a su electos que le clama die e nocte? Esque ille va retardar longemente in adjutar les?” (Luca 18:7). Le responsa a iste question rhetoric es: No!

Le resposta al precarias

In le Biblia tu pote alsi leger de responsas miraculose a precarias. Un exemplo de istes es lo que eveniva in le tempore de Elia, un propheta del Vetule Testamento. Il esseva un tempore in que qual le Israelitas abandonava le culto de Deo pro coler le false deo Baal, que illes credeva melio causar recoltas fructuose. Isto lo credeva le populos pagan circumstante. Le deber de Elia esseva de facer retornar Israel al Deo ver e vivente. Assi ille preca a que un grande siccitate colpa le pais, e isto pro inseniar a Israel que solmente le Senior, le Creator del celos e del terra, pote dar fructuositate. Elia funda su precarias super le admonestation que Deo habeva date in le passato (Deuteronomio 28:11-14; 1 Reges 8:35-40). Deo audi le precaria de Elia. Le pluvias cessa e un siccitate devasta le terra. Le resultato es que le populo retorna esser consciente que solmente le Senior es Deo. Ille lo selige de novo como lor Deo. Pois Elia preca un altere vice, ma nunc pro le pluvia, e su preghiera es audite. Tu pote leger iste conto in 1 Reges 17:1-18:46. Compara isto con Jacobo 5:16-18. In tractar del potentia del precaria, Jacobo cita le exemplo de Elia.

Precarias con nulle responsa

Le Biblia parla alsi re precarias que recipe nulle responsa, mesmo si Deo los audi. Paolo, un apostolo de Jesus Christo scribe in re un su precaria sin responsa. Ille habeva habite un meraviliose experientia spiritual. Ille non poteva dicer si illo eveniva in realitate o in sonio. Ille habeva audite parolas que non poteva retransmitter. Iste experientia esseva qualcosa del qual ille haberea potite vantar se. Ma pro tener lo humile, ille recipe “un spina in le carne”. Isto esseva un enoio grave que ille non specifica lo que esseva. Le christianos de Corinto sapeva de lo que se tractava. Probabilemente illo esseva problemas con su oculos o un disabilitate physic. Plure vices Paulo habeva precate Deo de resanar le de ille enoio, de “extraher ille spina” de su corpore, ma le resanamento non eveni. Deo le habeva respondite: “Mi gratia te es sufficiente, proque mi poter deveni perfecte in le debilitate” (2 Corinthios 12:9). Isto significa que le amor de Deo, le misericordia de Deo, le favor de Deo debeva esser sufficiente pro ille.

Moses, un leader in le tempore del Vetule Testamento, habeva un experientia simile. Tu lo pote leger in Deuteronomio 3:23-28 e in Numeros 20:7-13. Deo non le habeva permittite de intrar in le Terra del Promissa proque ille habeva disobedite a Deo. Ille pensava que illo esseva un castigamento terribile. Plure vices ille habeva precate de poter entrar in le Terra del Promissa, ma Deo le dice: “Non parlar me plus in re isto”. Deo habeva audite le precaria de Moses, ma ille non face lo que Moses le habeva petite, Aliquando Deo dice in avantia que ille non accordara un certe precaria. Ille mesmo lo prohibi. Lege, a iste reguardo, Jeremia 14:7-12 e15:1.

Precarias in le Biblia

Le precaria: esque illo servi? Probabilemente iste question es errate. Si tu preca pro flecter le voluntate de Deo a tu voluntate, illo non potera esser un precaria audite. Le precaria non mesmo servi si tu lo vide como qualcosa con le qual jocar o a experimentar. 

Il ha multe exemplos de preces in le Biblia. Si tu los lege attentivemente tu va remarcar plure cosas importante.

Vamos considerar Psalmo 25 como un exemplo. In alicun traductiones le testa dice: “Precaria pro direction e protection”. Iste testa esseva inserite per le traductores, ma illo es un bon summario del Psalmo. Le autor preca a que Deo le dirige e le protege, ma ille non comencia con illo.

Ille comencia in exprimer su fiducia in Deo, al qual ille “eleva su anima” (25:1). Post illo ille vole apprender a cognoscer Deo (v. 4,5). Pois ille confessa su peccato e pete le pardono confidente que Deo le acordara iste pardono (vv. 16-18). Solmente post ille ha laudate Deo pro Su fidelitate, le scriptor pete su adjuta. Il pare que il ha qualcosa que le espaventa de plus que le odio de su inimicos contra ille. Su proprie culpa e peccatos le opprime multo de plus. Ecce proque su precaria de petition pro le pardono veni le prime.  Mesmo si ille es plenmente persuadite que Deo audira su precaria, ille non lo considera un elemento a dar como secur. Iste homine cognosce se ipse e su necessitates. Il ha tamen necessitates primari, le spiritual, e necessitates secundari, le alteres. Esque tu cognosce te ipse e tu real necessitates?

Nos considerava hodie le question: “Le precaria: esque illo servi?”. Altere questiones, tamen, debe esser petite e respondite. “Como deberea nos precar?”, “”Quare e pro que deberea nos precar?”,  “Pote nos precar pro omne cosa?”, “Es le precaria un simple requesta o illo es plus que un petition?”. In le tertie parte del lectiones sequente nos tractara de tote ille punctos. Insimul, nos cercara le responsa del Biblia.

Domandas pro le revision

Le necessitate del Biblia

1. Le lection assere que le Biblia es necessari. Resume proque illo es assi.

2. Que intende le scriptor del Psalmo 119 quando dice: “Tu Parola es un lampada pro mi pedes e un lumine sur mi sentiero”?

3. Deo se occupa alsi de cosas que nos non reputa importante. Ille se cura de tote le creation. Que dice Mattheo 6:26-30 a ille reguardo?

Le Creation

1. Adam es appuntate de Deo como administrator o vice-rege del mundo create. Como es illo describite in Genesis 1:26-28?

2. Proque le femina esseva create postea (Genesi 2:18-23)?

3. Que faceva Deo in le septime die (Genesis 2:2-3)?

Le precaria: esque illo servi?

1. Esque tu debe usar multe parolas quando tu preca? (Cfr. Mattheo 6:5-8).

2. In Mattheo 6:9-13 Jesus doce a su discipulos un precaria. Como es illo appellate? Examina su structura.

3. Si tu vermente vole precar, qual debe esser super toto le objecto del precaria?