| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

Ia 3-1

Page history last edited by Paolo E. Castellina 4 years, 6 months ago

Lection 2-3 < > Lection 3-2

 


Un dono del celo - Le necessitate del Biblia - Un serie de 25 lectiones super le inseniamento del fide christian que se basa completemente sur le Biblia intendite pro comenciantes  pro adjutar les in apprender del plus grande dono que nos recipeva de Deo


Risultati immagini per explaining the bible

 

3-1 Le Biblia se explica per se ipse

 

On pote leger le Biblia in multe manieras differente. Un maniera multo unic esseva le caso del persona que legeva le Biblia ab le prime al ultime pagina, e per tote iste exercitio, ille numerava tote lo que ille legeva. Al termino, ille habeva discoperite que le Biblia contine 3.500.000 litteras, 770.000 parolas, e que le parola “Senior” occurre 6.855 vices, e multe altere tal factos. Naturalmente illo es un del manieras de leger le Biblia, ma nos non recommendarea que vos lo lege in ille maniera. Le Biblia non es un libro de enigmas, ni un texto pro le theologos solmente, e non mesmo un romance religiose. Le hebreos e le christianos confessa que le Biblia es le Parola de Deo ipse, que Deo parla nos per su medio.

 

Le Parola de Deo

 

Le Biblia non es un serie de textos disconnectite. Deo parla nos in cata su pagina. Ille parla per le medio de prophetas, evangelistas e apostolos. Toto lo que nos trova in le Biblia es connectite. Ecce proque nos non pote emplear alicun de su texto in isolamento. Quecunque le Biblia assere ha essite scribite sub le supervision e guida de Deo. Toto lo que nos trova ibi es su Parola. Como face nos a saper lo? Il ha un sol responsa a iste question. Le Biblia ipse lo dice. Il non es nos, esseres human, qui declara que la Biblia es un libro sante e que lo eleva al stato de Parola de Deo. Il es le Biblia ipse que lo assere in varie placias. Audi, vos, populo, Deo parla vos: “Audi, o Israel” (Deuteronomio 6:4). Un exemplo de tal passages pote esser trovate in le Epistola al Hebreos, in le qual le scriptor cita ab le prophetias de Jeremia (Hebreos 10:16-17; cfr. Jeremia 31:33,34). Vos poterea expectar que un tal citation sia introducite con un phrase como: “In Jeremia nos pote leger le sequente”, o alique de similar. Nonobstante, illo non es le caso. Nos trova alique de completemente differente. On trova: “Il es le Spirito Sancte que rende nos iste testimonio”. E pois le citation de Jeremia seque. Tote isto significa que le Spirito Sancte, qui es Deo ipse, diceva iste parolas per le medio de Jeremia. Illos esseva le parolas de Jeremia, ma in le ultime analyse illos es parolas de Deo.

 

Parolas de homines?

 

Il ha solmente duo possibilitates: 

 

- le Biblia es non digne de fide. Forsan aliquando ille face alicun ver remarcas e es appropriate e pertinente, ma in general illo es plen de fantasias pueril e mesmo rationamentos fallace. O le Biblia es solmente opiniones human, o: 

- le Biblia es digne de fide. Nos accepta le Biblia como illo presenta se ipse, como un libro in le qual Deo ipse parla al homine, como Parola de Deo.

 

Qual de iste propositiones es juste? Como nos diceva antea, le responsa juste es que le Biblia es le Parola de Deo. Ma pote nos probar que isto es le responsa correcte? No, si iste “probas” deriva del rationamentos fundate super le presuppositiones del rationalismo materialista moderne. Nos lo pote facer si nos rationa del perspectiva del fide del Biblia ipse. Il es per fide que nos sape que le Biblia dice le veritate, que illo es le Parola de Deo (Hebreos 11:1) In su secunde littera, le apostolo Petro scribe a proposito de su experientia reportate in Mattheo 17 (2 Petro 1:16-21). Insimul a Petro, Jacobo e Johannes, le Senior Jesus esseva super un alte collina in le deserto. Petro dice: “De facto, quando nos faceva cognoscer a vos le advento potente e le magnificentia de nostre Senior Jesus Christo, nos non sequeva fabulas captiose de nostre imagination, ma nos reportava factos contemplate de nostre mesme oculos. Proque ille recipeva de Deo le Patre honor e gloria quando le voce del Gloria Majestose esseva adressate a ille. Le voce diceva: ‘Iste es mi Filio, mi delecto, in le qual io me complace’. Iste voce que veniva del celo, nos lo ha sentite quando nos esseva con ille al sancte monte. Preterea, nos ha le solide fundamento del parolas del prophetas. Vos face ben de audir los con attention, proque illos es como un lumine que resplende in un loco obscur, donec surgera le die, e le stella del matino se levara in vostre cordes. Super toto, vos face ben si recognosce isto: omne prophetia del Scriptura non surgeva del imagination del prophetas ipse, proque tal prophetias jammais esseva le producto de voluntate human, sed homines, pulsate per le Spirito Sancte, parlava del parte de Deo”.

 

Con le termino “prophetia” Petro intende le integre Vetule Testamento. Ille accepta tote le libros del Biblia como Parola de Deo, e le mesmo faceva le Senior Jesus Christo. Petro sapeva que toto lo que iste libros diceva super le Christo esseva ver e certe. Con ille voce del celo ille deveniva ancora plus secur in re le veritate de ille Parola. Le dubita pro ille non esseva plus possibile. Le prophetias non es unquam le producto del mente human. Il es certemente ver que illo esseva scribite per homines como Moses, Isaia, e Ezechiel, ma illo non esseva le resultato de lor voluntate o habilitate. Illes esseva pulsate a scriber per le Spirito Sancte e parlava per le commando de Deo. Illes esseva guidate e incoragiate per Ille. Assi, le autores human semper laborava sub le guida de Deo, le Grande Autor del Biblia.

 

Tote isto significa que nos debe tractar le Biblia con reverentia e respecto. Deo parla e nos debe lassar le parlar. Isto significa que vos debe audir patientemente, e leger attentivemente. Il ha semper un temptation de emplear le Biblia pro nostre proprie propositos. Quando il vos conveni, vos essera facilmente inclinate a poner in le Biblia vostre ideas, a leger lo con vostre presuppositiones o prejudicios, a poner in le Biblia lo que il non ha ibi. Isto eveni troppo sovente. Nos non pote, tamen explicar le Biblia secundo nostre gustos e ideas. Le Biblia explica se mesme, e iste es le regula que nos debe semper sequer. Del altere latere, il ha cosas que nos non comprende o que appare nos injuste o illogic. In ille caso le problema non se trova in le Biblia, ma in nostre limitate cognoscentias. Nos accepta lo que le Biblia dice in omne caso. Nos da fiducia al Biblia, o melio, nos da fiducia a Deo que lo inspirava. 

 

Comments (0)

You don't have permission to comment on this page.