| 
  • If you are citizen of an European Union member nation, you may not use this service unless you are at least 16 years old.

  • Stop wasting time looking for files and revisions. Connect your Gmail, DriveDropbox, and Slack accounts and in less than 2 minutes, Dokkio will automatically organize all your file attachments. Learn more and claim your free account.

View
 

Ia 3-2

Page history last edited by Paolo E. Castellina 11 months ago

Lection 3-1 < > Lection 3-3

 


Un dono del celo - Le necessitate del Biblia - Un serie de 25 lectiones super le inseniamento del fide christian que se basa completemente sur le Biblia intendite pro comenciantes  pro adjutar les in apprender del plus grande dono que nos recipeva de Deo


Risultato immagini per two ways" 

 

Un humanitate fracturate

Genesi 4

 

Duo paises pote facer un tractato o pacto le un con le altere. In le evento de un attacco per un tertie nation, illos promitte de adjutar le un le altere a defender se. Isto es un del multe exemplos que on poterea mentionar de pacto, contracto o alliantia.

 

Le Biblia repetitemente parla de un tractato o “pacto” establite desde le comenciamento pro regular le relation inter Deo e le creaturas human. Isto es le Pacto per excellentia, que alsi es appellate “le Alliantia”. Tote lo que nos trova in le Biblia lo reflecte e se comprende se in iste quadro. In iste Pacto, sia Deo que le creaturas human se ha ingagiate, obligate, le un verso le altere. Deo promitte custodiar  le humanitate, guidar lo e provider pro tote su necessitates. Le humanitate, in su vice, promitte de amar e servir Deo, obedir a su voluntate e honorar le in omne cosa. Iste pacto Deo le ha establite on Adam como le representante legal de tote le humanitate e in su nomine. Iste pacto vinculava tote su futur descendentes de Adam. Isto es lo que le Biblia revela a nos.

 

Le un contra le altere

 

Nonobstante le generose promissas de Deo, il deveni tosto evidente que non omnes es inclinate servir Deo. Il ha illes qui refusa le autoritate de Deo e de submitter se a su leges. Mesmo quando Deo les offere su gratia de pardono e de reconciliation, illes refusa repentir se de lor peccatos, e mesmo denega de haber le necessitate de tal salvation. Assi, le humanitate se divide in duo gruppos. Le prime gruppo recognosce le autoritate de Deo, que su leges es bon e juste, e illes se submitte de bon grado e con placer a Deo. In iste prime categoria se pone etiam illes que recognosce que lor peccatos meritarea le juste condemnation de Deo, se repenti de illos e accepta con gaudio le gratia de Deo obsequente a su medios e implicationes. Le secunde gruppo es determinate a voler esser independente de Deo. Illes vole esser deo e lege a se ipse. Illes se vanta de lor rebellion a Deo e refusa con disdigno omne appello al reconciliation. Illes vole esser “libere” de Deo, autonome. A illes non importa le salvation e denega le necessitate ipse de un Salvator. 

 

On pote clarmente vider le differentia de iste duo gruppos de humanos jam in le prime capitulos del Biblia. Le conto dice que le duo filios de Adam e Eva, Cain e Abel, intendeva honorar Deo per le medio de sacrificios. Lor genitores les habeva inseniate a facer assi. Un portion del fructos del agros e del bestial esseva presentate a Deo per le medio de un holocausto, id es, comburer los completemente super un altar. Per iste maniera illes recognosceva e honorava Deo como Creator e Senior. Isto esseva multo appropriate, quia toto pertine a Deo. Ille es le bon Donator. De post le Lapso, le humanos non habeva plus alicun derecto a quecunque sur le terra. Lo que illes recipe es solmente un consentimento de Deo, le dono de Su gratia. Quando, tamen, le duo homines, Cain e Abel exprimeva lor recognoscentia a Deo con un sacrificio, Deo rejecta le offerta de Cain, ma accepta illo de Abel. Quare? Le ration es que Abel offereva a Deo su sacrificio con ver fide. Isto non esseva le caso de Cain. In su sacrificio Abel habeva recognoscite que Deo es su Creator, e que ille esseva completemente dependente de Ille. Abel sapeva que le sol ration per le qual ille viveva, esseva le facto que Deo le habeva date su vita e lo sustineva. Deo le manifestava assi su gratia. 

 

Le situation esseva completemente differente pro Cain. De lo que es scribite concernente ille, il pare que Cain voleva esser le sol “patron” de su vita. In le mesme tempore, ille sapeva, tamen, que il esseva convenibile satisfacer Deo. Su sacrificio non esseva un expression de recognoscentia e de dependentia, ma ille offereva ille sacrificio con le attitude de qui face simplemente “un formalitate”, un acto que, in su corde, ille odiava facer. Ille pensava que un tal acto formal esseva in omne caso sufficiente pro satisfacer Deo. De facto iste narration integre non tracta de un assassinato, ma concerne le relation con Deo, e isto deveni evidente in lo que seque. 

 

Quando Cain comprende que Deo habeva acceptate le offerta de Abel, ma non le sue, ille deveni inragiate. In su ragie Cain occide su fratre Abel. Ille committe le prime homicidio del historia human, e ille demonstra nulle regret pro iste su action. Le lucta, annunciate per Deo, inter “le descendentia del femina” o “semine del femina”, le fideles, e “le descendentia del serpente”, le rebelles, deveni tosto apparente in iste terribile acto. Le familia de Adam e Eva es nunc fracturate.  Le fide e le non-fide lo divide. 

 

Le humanitate vade in duo directiones differente

 

Le Biblia mentiona Lamech como un del descendentes de Cain. Lamech declara apertemente que ille esseva “independente” de Deo (Genesi 4:19-24). Su industriose e talentose filios habeva qualcosa “de melior” a facer que servir le Senior. Quando vos lege Genesis 4 vos discoperira le comenciamento de un cultura que non prende del toto in consideration Deo. Le familia de Lamech expectava nihil de Deo, ma toto de lor proprie manos.

 

Si vos lege le parolas de Lamech in Genesis 4:23-24, vos remarcara un stylo de vita que on incontra sovente mesmo hodie: “Nos vive solmente un vice, ergo vamos profitar de isto le plus possibile. Vamos viver hodie, quia deman nos morira”. Lamech e su familia cercava de armar se ipse contra le suffrentia. Illes cercava de oblidar le consequentias del Cadita e de salvar se mesme. Illes se considerava le patrones de iste mundo, e non se interessava de Deo o de Su commandamentos.

 

Invocar le nomine del Senior

 

Nonobstante isto, il habeva un generation que spectava Deo con fiducia. Il habeva personas que expectava le advento de un redemptor. Al principio il pareva que iste generation haberea se extinguite con Abel, ma Deo dava a Eva un altere filio, Seth, pro continuar le linea de Adam. Quando Seth, a su vice, generava un filio, Enosh, le humanos comenciava invocar le nomine del Senior (4:24). Isto significa que illes que se confideva in Deo se reuniva pro honorar le, e, in le precaria, peter le salvation ex le peccato e su mal consequentias. Le descendentes de Seth confessava publicamente que illes se expectava toto de Deo, non solmente pro iste vita, ma alsi pro le vita preterea. Illo esseva un persuasion completemente differente de illo exprimite per le descendentes de Cain. Le persona incredule servi se ipse, durante que le credente servi Deo. 

 

Le practica de invocar le nomine de Deo comenciava in le dies de Enosh, ma illo continua hodie. Il es pro iste ration que il necesse cognoscer qui Deo es. In ille tempores Deo parlava directemente al humanos. In alicun maniera que nos non cognosce, Deo incontrava Adam e Eva sia ante que post le Lapso in paradiso. Plus tarde, pro transmitter Su Parola, Deo empleava prophetas. Finalmente, Deo mandava in le mundo Su proprie Filio. Hodie, illes qui desira cognoscer qui Deo es debe leger le Biblia. Deo se face cognoscer per le medio del Biblia. Vos alsi pote cognoscer Deo, ma vos debe apprender a leger le Biblia. Le Biblia non es un libro facile. Mesmo si le cosas essential del Biblia es comprensibile a omnes, vos necessita adjutas pro comprender lo. Un curso como isto pote adjutar, ma il es necessari assister un ecclesia in le qual le Biblia es legite e explicate cata Dominica.

 

Deo es fidel

 

Il ha duo maniera pro viver le vita: con Deo o sin Deo. Deo annunciava jam multe tempore retro que il haberea habite un lucta inter duo stylos de vita. Il es simile a un guerra inter duo armeas. Illo es un battalia que ha consequentias pro le vita integre. Specialmente pro le credentes illo es un battalia difficile. Per lor natura le credentes es attrahite per le opposition. Pro poner Deo al centro del vita e facer lo que Su lege require il require abnegation, le renuncia a se mesme. Nonobstante, il ha semper habite personas que amava Deo con tote lor fortias e que cerca de viver secundo Su commandamentos. Un grande consolation veni del facto que vos non debe combatter sol. Deo es apud vos. Le fidelitate de Deo al Pacto que ille establiva con le humanitate, via Adam, su representante, es le sol ration proque isto es ver. Vos debe\ combatter Satana, le inimico de Deo, ma comprender alsi que Jesus Christo essera victoriose, e in ille alsi vos pote esser victoriose. Vos pote esser certe de isto.

 

 

Comments (0)

You don't have permission to comment on this page.